ibat ibang epekto ng paggamit ng kompyuter

Gelaine G. Malapascua

BSE biology 2-1

Ibat ibang epekto ng paggamit ng kompyuter

            Sa bawat paglipas ng taon unti unti ng nagkakaroon ng makabagong teknolohiya, na kasabay din noon ang pagkalimot sa mga dating nakagawian na ng nakararami. Ngayon ang ating bansa ay napapaligiran na ng samot saring teknolohiya, na kung saan mamamangha ka sa ganda nito at kalidad na mayroon ito. At isa na nga rito ang kompyuter na ginagamit at kinahuhumalingan ma mg nakararami lalong lalo na ang mga kabataan.  Ang kompyuter ay isang pangkalahatamg paggamit ng kasangkapan na maaaring iprograma upang magsagawa ng isang hanay ng mga operasyong aritmetiko o lohikal. Ang isang kompyuter ay binubuo ng isang elementong nagpoproseso na tipikal ay isang CPU at isang anyo ng memorya, at ang CPU ay naglalaman ng dalawang tipikal na mga bahagi na arithmetic logic unit na nagsasagawa ng mga operasyong aritmetiko o lohikal at control unit na kamukha ng mga instruksyon sa memorya at nagsasalin at nagsasagawa ang mga ito at tumatawag sa ALU kung kinakailangan. Dahil sa mga nakamamanghang ganda ng mga ito, ay paniguradong kahuhumalingan mo, pero ano nga ba ang kaakibat na epekto nito sa nakararami?

             Layunin ng paggamit ng kompyuter na magbigay ng mga impormasyon o magbigay kaalaman sa bawat isa sa atin, at layunin din nitong mas mapabilis pa ang ating mga gawain. Nagiging masama lamang ang dulot ng paggamit ng kompyuter dahil sa maling paggamit ng bawat indibidwal.

                Ang unang paggamit ng salitang kompyuter ay naitala noong 1613 sa aklat na tinatawag na" the yongmans gleanings". Ito ay tumutukoy sa isang tao na nagsasagawa ng mga kalkulasyon o pagkukwenta. Ang salitang ito ay nagpatuloy sa parehong kahulugan nito hanggang sa gitna ng ika-20 siglo. Ang salitang kompyuter ay magsimulang mangahulugang isang makina na nagsasagawa ng mga pagkukwenta. Ang kasaysayan ng modernong kompyuter ay nagsimula sa dalawang magkahiwalay na mga teknolohiya, automadong kalkulasyon, at pagiging mapoprograma ngunit walang isang kasangkapan na matutukoy na pinakamaagang kompyuter dahil sa hindi konsisteng paglalapat ng terminong ito. Ang ilang mga kasangkapan tulad ng ilang mga pantulong na mekanikal sa pagkukwenta ay kinabibilangan ng abacus na sumerio na dinisenyo noong 2500 BCE, mga slide rule na inimbento noong mga 1620 at mekanismong antikythera na isang sinaunang astronomikal na analogong kompyuter na inimbento ng mga sinaunang griyego noong mga unang siglo BCE. Ang griyegong matematikong si hero ng alehandriya ay nagtayo ng isang teatrong mekanikal na gumanap na isang dula natumagal ng 10 minuto at pinatakbo ng isang masalimuot na sistema ng mga lubid at drum. Noong wakas ng ika -10 siglo ang mongheng pranses na si Gerbert d' Aurillac ay nagdala pabalik ng isang makinang inimbento ng mga moro na sumasagot ng oo at hindi sa mga tanong na tinatanong dito. Noong ika-13 siglo CE, ang mga mongheng sina albertus, magnus at roger bacon ay nagtayo ng mga nagsasalitang android nang walang karagdagang pag unlad. Dumaing si magnus na kanyang inaksya ang 40 taon ng kanyang buhay ng si tomas aquino ay natakot ay winasak ito. Noong 1642, ang renasimyento ay nakasaling imbensyon na kalkulador na mekanikal na isang kasangkapan na makapagsasagawa ng lahat ng operasyon ng aritmetika nang himdi umaasa sa ibang tao. Ang kalkulador na mekanikal ang siyang ugat ng pagpapaunlad ng mga kompyuter sa dalawang magkahiwalay na paraan. Ang Abacus ay binubuo ng mga buto at beads na mga nakatuhog sa patpat o rod, ginamit ito ng mga intsik na mangangalakal sa pagkukwenta. Taong 1641, si Blaise Pascal ay isang matematisyan na taga france , siya ang kauna unahang nakaisip gumawa ng isang adding machine. Ang unang mekanikal calculator ay tinawag na Pascaline.

         Sa panahon ngayon unti unti ng umuusbong ang ibat ibang teknolohiya, lalong lalo na ang kompyuter. Ano ano nga ba ang mga mabuting naidudulot nito sa atin? At lalong lalo na sa mga kabataan?  Una ang kompyutet ay isang teknolohiyang nagbibigay sa atin ng maraming impormasyon, halimbawa na lamang kapag tayo ay mayroong proyekto o takdang aralin, gamit ang teknolohiyang ito mas napapabilis ang paghahanap ng mga kasagutan, at nakatutulong din ito sapagakat hindi natin kailangan gumugol ng matagal na oras sa isang gawain o hindi na tayo mahihirapan pa na maghanap sa isang damakmak na libro ng mga kasagutan. Pangalawa ay tumutulong din ang kompyuter para magkaroon tayo ng komunikasyon sa mga mahal na nasa malalayong lugar o sa ibang bansa. Nakatutulong din ng malaki ang kompyuter sa mga negosyo gamit ang internet . At ang kompyuter ang pangunahing dahilan ng mga I.T student sa pagpili nila sa kanilang kurso. At sa mga malalaking kompanya nakatutulong ito upang mapabilis ang pag aayos nila ng mga datos, at nagbibigay din ito ng mga mahahalagang impormasyon para malaman natin ang mga bagay na hindi pa natin nalalaman.kung marami ang pabor sa paggamit ng kompyuter marami din ang hindi sumasang ayon dito. Kung ang mabuting naidudulot ng paggamit ng komoyuter ay napapabilis matapos ang isang gawain, ang masamang dulot naman nito ayhindi nito tayo tinutulungan na magsikap bagkus ay inaaasa lang natin ito sa kompyuter, dahil sa kompyuter maraming tao ang nagiging tamad sa isang click mo lang, ayan na sa harap mo ang kailangan mo, kaya sa panahon ngayon ay marami ang nagiging tamad lalong lalo na ang mga kabataan na halos hindi na kumain makakita lang ng kompyuter. At kabilang na din sa masamang epekto na dulot nito lalong lalo na sa mga kabataan, napapabayaan na nila ang kanilang pag aaral, mga mabababang marka ang tanging naipapakita nila sa kanilang mga magulang na sa halip ay matataas na marka. Sa paggamit din ng sobra nito ay nauubos ang pera na pinghihirapan ng ating mga magulang, at ang masaklap pa ay ubos na nga ang pera mo, posible din itong magdulot ng sakit dahil sa pagkakatutok mo sa kompyuter, hindi maiiwasang sumakit ang ulo o kaya naman'y pagkahilo. Nagdudulot din ito na polusyon na nakaaapekto sa ating kalikasan. Sa pagsulpot ng mga ito hindi bat ninanakaw na nito ang ora na dapat sana'y sa edukasyon nakalaan.

            Lubusan na ngang umuunlad ang teknolohiya sa ating bansa ngayon, pero kaakibat din ng mga ito ang mabubuti at masasamang dulot nito. Lingid sa ating kaalaman na malaki ang naitutulong nito sa atin, sa kabilang banda andyaan din ang masasamang dulot nito sa atin. Bilang isang kabataan dapat nating alamin ang ating limitasyon sa paggamit ng mga ito, wagnati abusuhin ang mga teknolohiyang nakapaligid sa atin lalong lalo na ang kompyuter. At kung hind ito gagamitin sa tama mlaki ang posibilidad na mas malaki ang masamang epekto nito kaysa sa mabuting naidudulot nito.

pagtitinda ng kalamay

                                                    Pagtitinda ng Kalamay


                            Ito ang aking karanasan na hinding hindi ko makakalimutan ang magtinda ng kalamay at magsisisgaw sa daan nh bili na kayo ng kalamay. Hindi ko inaasahang mararanasan ko ang ganitong trabaho kahit panandalian lamang.
                           Sa simula ng akin paglalako, sobrang nahihiya ako at isip isip ko ay sana ay lamunin na ako ng lupa. Pero wala akong magagawa dahil kailangan ko itong gawin. Nagsimula na akong magsisigaw ng bili na kayo ng klamay..bili na. Pakiramdam ko ng mga oras na iyon  ay walang may gustong bumili , at halos gusto ko na ding umiyak . Pero hindi ako nawalan ng pag asa nagsimula na ulit akong maglako hanggang sa linapitan ko ang babae at alokin ng tinitinda ko pero sa kasaswiang palad tinaggihan niya ito at sinabing ang mahal naman, umalis na lamang ko dahil sa inis at sabay wikang "di wag". At dahil doon ay pnagpatuloy ko namang ulit ang pagtitinda, at hindi ako nawwalan ng pag asa, hanggang sa may inalok ulit ako na bumili ng kalamay bigla na lamang akong napangiti  ng mga oras na iyon at pakiramdam ko ay nanalo ako sa loto noong bumili siya sa akin.
                          Pagnakakakita ako ng nagtitinda ng kalamay sinasabi ko sa sarili ko na anndali naman ng trabaho nila, yung tipong magtatawag lang naman sila, pero nung naranasan ko na mahirap pala, dahil mananakit na nga ang paa mo ay mananakit pa din ang lalamunan mo, sa labilang banda masya din dahil andoon ang kung paano ka makikisalamuha sa ibang tao, at isa itong marangal na trabaho na kaylanman ay hindi dapat ikahiya.
                          Pagkatapos kong magtinda ay pakiramdam ko ito ang karanasang hinding hindi ko makakalimuatn hindi dahil sa nakakahiya, o mahirap, pero dahil nagbigay ito ng kasiyahan sa akin.

Travel log

           Pagkatapos kong marinig ang mga sinabi ng aking guro sa asignaturang filipino ng aming mga dapat gawin, di ko pa rin lubusang maisip kung ano ang dapat kong gawin, ikaw ba naman ang pagsulatin ng isang komposisyon at isususlat mo doon yung mga nangyare sayo simula pagkalabas ng silid aralan hanggang mamayang gabi. Paano naman ako?nagdodorm ako sa loob ng unibersidad na aking pinapasukan. Ano ang maaaring mangyare kung ilang kilometro lang ang layo ng CON building sa dorm na aking tinutuluyan.

          Pagkababang pagkababa namin galing 4th floor ng con, natapilok kaagad ako, at ang mas matinde pinagtawanan pa nila ako. Pagkatapos noon, nagtalo pa kami kung saan kami dadaan, at sinabi ko na lang sa kanila sa may mas malayong daanan para mas matagal na paglalakad, at para mas marami pang pangyayari ang dapat mangyari. At pag sinuswerte ka nga naman, nakasalubong ko ang crush ko. At sa pagpapatuloy ng aming paglalakad prinaktis ko na lng ang declamation ko, pero sa kasawiang palad hindi pala nila ako pinapakinggan, kaya naman sumigla na naman ang pagka sadista ko, at dahil don ginantihan nila ako ang isang sampal, pero alam ko namang biro lang iyon dahil patuloy pa din ang pagtawa nila. Malapit na kame sa gate 1 kaya naman kanya kanya na kaming paalam sa isa't isa .  

         Sa paglalakad ko papuntang dorm nasabi ko na lang sa sarili ko na maaari palang maraming mangyari sa isang segundo o sa isang minuto.

                                                            Santelmo

                  Isa sa pinakahalagang araw sa akin ay ang aking kaarawan kung saan pinaliligiran ako ng maraming tao, mga taong mahajalaga sa akin. Lahat sila nakangiting binabati ako ng maligayang kaarawan . Tuwang tuwa ako andito din ang aking mga kaibigan noong hayskul at college.

                  Masayang nagkakainan ang lahat nagkwekwentuhan, at nagkakamustahan. Napangiti na lamang ako, at nagpasalamat sa panginoon , dahil sa pamilya at mga kaibigan na kasama ko ngayon sa aking kaarawan.

                  Maggagabi na ng matapos ang kasiyahan, at syempre hinatid namin sila sa may sakayan. At sa paglalakad namin ay napagkwentuhan namin ang tungkol sa santelmo, at pagkatapos ng kaunting usapan ay napansin ko na malapit na pala kame sa sakayan. Pabalik na kame ng kuya at ate ko, hindi kame magkakasabay na naglalakad dahil nauuna ako . Lakad lang ako ng lakad hanggang sa napalingon ako, laking gulat ko na isang santelmo ang papalapit sa akin, napalingon ako sa likod ko upang tingnan ang ate at kuya ko, pero wala na sila doon. Takot na takot ako at pakiramdam ko unti unti ng nauubos ang boses ko kakasigaw, walang nakakarinig, at napansin ko na lamang na malapit na sa akin ang isang bolang apoy, at dahil sa bagal ng aking takbo ay naabutan ako at unti unting akong nilamon nito.

panaginip lang pala

                                                     Panaginip lang pala

                     Matapos ang aming klase sa asignaturang filipino, ay kaagad akong umuwe sa dorm na aking tinutuluyan, pagkababang pagkababa ng aking bag agad akong nagbihis at kinuha ko ang aking notebook kung saan nakalista ang mga assignments na dapat kong gawin. Pagkatapos ng isa, yung isa naman , hanggang sa matapos ko na lahat ng assignments ko, dahil na din sa pagod na nararamdaman ko nakatulog ako ng walang laman ang aking sikmura.

                    Gelaine!!!!!sigaw ng aking mga kaibigan, gulat na gulat ako dahil sa isip isip ko'y parang katutulog ko pa lamang. Heto ako ngayon sinisigawan ng aking mga kaibigan upang marinig ko ang kanilang mga munting tinig, napangiti na lamang ako at isa isa ko silang binati ng magandang umaga. Pagkatapos ng tagpong iyon ay nagdiretso kame sa kantina, upang bumili ng makakain dahil pare parehas pala kameng hindi nag umagahan, pagkabili namen ng pagkaen naghanap kaagad kame ng mapwepwestuhan , pero dahil sa dami ng estudyante nahirapan kameng maghanap, pero dahil ako'y gutom na gutom na inikot ng aking mga mata ang buong kantina, at sa wakas!!nakita ko ang isang bakanteng lamesa sa isang sulok ng kantina. Kaysaya ng araw ng ito sa loob loob ko, dahil sa kasama ko sila, at syempre ang aking crush na kung saan tanaw na tanaw ko sa pwesto namen, dahil sa kilig na nararamdaman ko, napasabi na lang ang aking mga kaibigan ng "SADISTA MODE"at kasunod na noon ang pag sipa ko, pangungurot, at panununtok sa kanila ,pero laking gulat ko na lahat sila ay biglang nagsitayuan, at isa isa nilang sinbi ang mga dati pa nilang hinanakit sa akin na kesyo"akala mo nakakatuwa pa yang pagiging sadista mo???tinitiis lang namen !!pero punong puno na kame!!!hindi mo ba alam na nakakasakit ka na??? Unti unting pumatak ang aking mga luha, at dahil sa mga luhang iyon unti untng nanlabo ang aking paningin, sa pagpunas ko ng aking mga luha nahuli na ako hindi ko na sila makita.

                    Napabalikwas ako sa aking higaan, at tila ba'y parang tinakbo ko ang oval ng paulit ulit dahil sa bilis ng tibok ng puso ko, at naramdaman ko din na basa ang aking pisnge, at bigla kong naisip ang pangyayareng akala ko ay totoo, agad ko na lamang nasabi ang katagang "panaginip lang pala.